انا قررت انى اكتب بالعامية

انا قررت انى اكتب بالعامية 
اصل الناس خلاص مبقتش تفهم الفصحى العربية 
لسا هقولهم جار ومجرور 
ظروف الحياة شغلاهم بقا من النادر اننا نشوف واحد مسرور 
خلاص الزمن دا مش زمن القواعد النحوية 
الزمن دا زمن غريب زمن كل حاجة بسرعة 
علشان كدا انا قررت اكتب بالعامية 
هيكون ليا هدف كبير 
لازم اوصل لكل الناس الطيب والشرير 
لازم ادخل كل القلوب 
القلوب البسيطة والقلوب الفلسفية 
علشان كدا انا قررت انى اكتب بالعامية 
هنسى حاجة اسمها بحور الشعر 
هنسى القافية هنسى القواعد السلفية 
يمكن دا كلام مش مظبوط
بس الدنيا عاوز كلام بسيط ومفهوم 
مش عاوزة كلام غير مفهوم 
انا خت القرار 
انى لازم اكتب بالعامية